Il poeta e scrittore, nonchè giornalista, ci delizia con un’ altra sua ironica poesia
AUR€URO E LOTIRCHIO
Presidenti ca fanno ‘e stessi ccose
prumettono ‘o campione:o i’ canno, o i’ llanno
te fanno verè sempre sciure e rrose
e accattano ” ‘a prumessa c’ ‘o malanno…”
Ma è mmeglio ca parlamm d’ ‘a partita…
Ncopp’ ‘a carta era tosta, s’è ammusciata
e nce ha penzato o ssòlleto ‘o Pipita
chesta vòta c’ ‘a panza l’ha nzaccàto…
A Callejon ‘o truove a tutte parte
quanno nisciuno ‘ o vère all’ intrasatte
jesce fòre…, e te sparèglia ‘e ccarte
pe’ Sarri è ‘o jolly e cu isso joca ‘a matta!!
D’ ‘o Capitano avimmo tanto ditto
ca nun truvammo manco cchiù ‘e parole
n’ata pagina ‘e chesta storia ha scritto
e appèna tocca ‘a palla iesce ‘o sole…
Insigne era surtanto nu scugnizzo
mo’ ‘e patrimonio d’ ‘o calcio italiano
‘e sapientune càgnano indirizzo
e Conte s’annascònne e ffà l’ indiano!…
Sta squatra sta facenno cose ‘e pazze
nisciuno è stato cacchio d”a fermà
hanno ‘ntricato pure co’ “Palazzo”
pe nce fà d’ ‘a “signora” superà…
Sperammo ca a Torino nce và Orsato
uno ca nun se fà cundizionà
e c’ ‘o Napule nun ha maje sbagliato
pecchè è imparziale e ttène dignità!!!
Si nun se ‘mbroglia e o’ campo po’ parlà
vènce ‘o Napule e vvence ll’ onestà!!!…
IL POETA DEL NAPOLI